BEGIM, DILDORA ABDINAZAROVA sher

BEGIM, DILDORA ABDINAZAROVA sher

BEGIM

Men baxtliman, har qadamimda, 
Qoʻlim tutib yurolgan begim. 
Koʻzlarim koʻr edi,  men uchun, 
Dunyolarni koʻrolgan begim.

Saratonda sovuq qotsam goh, 
Chin mehriga oʻrolgan begim. 
Kelajagim qilib himoya, 
Men uchun tik turolgan begim.

Tuban ketgan pastkashdan nari, 
Teskari yuz burolgan begim. 
Igʻvolarga toʻlgan dunyoni, 
Bir chekkaga surolgan begim

Gʻam tikonin yurakkinamdan, 
Bitta bitta terolgan begim. 
Hayotimni nurga toʻldirib, 
Bahorlarni berolgan begim.

✍️DILDORA ABDINAZAROVA

Kunlarim oʻtyabdi sensiz ham bekam
Yoʻqlamay qoʻydi tashvish yoki gʻam
Yurishlarim qaysi malikadan kam…
Sen meni sogʻinasan hali juda ham…

Sensiz bogʻlarim ham ochildi qiygʻos
Yuribman sensiz ham qaddim tutib gʻos
Yurishlarim aytsam malikaga xos..
Sen meni sogʻinasan hali juda ham…

Sen bergan gʻamlar ham tugadi oxir 
Sinovlarni yengdim boʻldim men mohir 
Boʻlolmading menga munosib Tohir
Sen meni sogʻinasan hali juda ham…

Qara vaqt oʻtyabdi juda ham shoshib
Yuzimga tabassum turar  yarashib 
Meni tashlab sen ketding adashib
Sen meni sogʻinasan hali juda ham

Yoʻllarimga kelma duch rangim oʻchadi
Tushlarimga ham kirma uyqim qochadi
Men uchun oʻzga yor quchoq ochadi 
Sen meni sogʻinasan hali juda ham…

Oʻtmishga qaytish yoq yoʻq ortga qaytish 
Endi hayotimni qilmayman taftish
Tunlar uyqularingda koʻrib  meni tush 
Sen meni sogʻinasan hali juda ham..

Muallif :Dilim.