Manmanlik yomon

Manmanlik yomon

Kamtar bo’l kamtar bo’l kamtar bo’l inson,

Bilib yo’q topmoqdan yoqotmoq oson,

Hech qachon berilma kibr-u havoga,

Manmanlik yomondur manmanlik yomon.

Do’st bor dasturxonda oshingni yeydi,

Do’stlar bor maydonda boshingni yeydi,

Yiqilsang qo’l cho’zmas battar bo’l deydi,

Manmanlik yomondur manmanlik yomon.

Uch narsani doim qochgin zarbidan,

Ichkilik, Qarzdorlik, ayol makridan,

Sinib ketish oson shular jabridan,

Manmanlik yomondur manmanlik yomon.

Doim ota onang yodinga solg’in,

Qarindosh, qondoshdan sen habar olgin,

Kamtarlik darsini mukammal bilgin,

Manmanlik yomondur manmanlik yomon.

Qora dog’ tushmasin dilingni asra,

Pul topsang kerilma, fe’lingni asra,

O’zingni bosib ol tilingni asra,

Manmanlik yomondur manmanlik yomon.

Yaxshiyu yomonning shahrini qilgin,

Do’st bilan dushmanning farqini bilgin,

Ahad qayum so’zin quloqqa ilgin,

Manmanlik yomondur manmanlik yomon.

Kamtar bo’l kamtar bo’l kamtar bo’l inson,

Bilib yo’q topmoqdan yoqotmoq oson,

Hech qachon berilma kibr-u havoga,

Manmanlik yomondur manmanlik yomon.

Ahad Qayum