Qish fasli haqida eng sara sherlar, (bolalar uchun sheʼr)

Qish fasli haqida eng sara sherlar, (bolalar uchun sheʼr)

Qish zavqi (bolalar uchun sheʼr)

Tiniq suv shildir-shildir,

Muz tagidan oqqanda.

Chana uchgim keladir,

Qish fasli qor yoqqanda.

Qor ustidan chanalar,

Gʼiz-gʼiz uchar oʼq kabi.

Chunki oʼynab bolalar,

Qizib ketar choʼgʼ kabi.

Baʼzan qor boʼron oʼynab,

Quvlashib qor otamiz.

Qorqiz, qorbobo yasab,

Qish zavqini totamiz!…

QOR

Zamin uzra yog’ar oppoq qor,

Tabiatga berib tarovat.

Derazalar bo’lar naqsh-nigor

Ayoz bobo chizadi surat.

Qish qahridan muzlagan anhor,

Tabiatning tiniq ko’zgusi.

Lahza o’tmay tutar olamni

Bolalarning shodon kulgusi

So’ngra atrof jim-jit sukunat

Moviy osmon, qorday bulutlar.

Birinchi qor. Yozaman qorxat

Eltib berarparday bulutlar.

QISH BO‘LSIN

Qor yog‘sin-u

Qish bo‘lsin.

Menga o‘yin 

Ish bp‘lsin. 

Meni kutar 

Chang‘ ham.

Uchsam ketar

Zangi ham.

Chiniqtirib 

tanamni,

Ishga soldim

Sanamni.

Qor yog‘sin-u

Qish bo‘lsin.

Ko‘ngilim doyim 

Xush bo‘lsin.

Yog’ yog’aver oppoq qor

Yog’, yog’aver oppoq qor,

Yog’ishingga ko’z tikib

Oqshom-u tonglar takror,

Ko’kka boqdik entikib.

Yog’, yog’aver oppoq qor,

Chang’i-chanamiz tayyor.

So’ng o’ynaymiz, qor bo’ron,

Vaqtimiz ketmas bekor.

Yog’, yog’aver oppoq qor,

Eshik qoqmoqda bahor.

Butun borliq yashnasin,

Yog’aver takror-takror.